Nga Lutfi Dervishi
E mbyllim TikTok për sigurinë në shkolla?!!!
Ngjarja tragjike te Fan Noli ka ZERO lidhje me TikTok. Por kush ka nevojë për lidhje logjike kur ke propagandë politike?
Po nëse ndodh një ngjarje tjetër e rëndë në shkollë çfarë do të mbyllet?
TikTok ka penguar arsimin? A shkëlqente arsimi shkëlqente para 2016 – tës, vit kur doli TIKTOK!
Nuk kishte dhunë dhe bullizëm para TikTok? Apo para 2016 bullizmi dhe dhuna i shërbenin disiplinës?
TikTok i ka zhdukur fushat, parqet dhe hapësirat e gjelbra ku mund të luajnë fëmijët? TikTok është përgjegjës për dashurinë platonike ndaj betonit?
Mirë fëmijët, por edhe për të rriturit do kujdeset qeveria? Apo, qeveria është prindi suprem që vendos çfarë na bën mirë dhe çfarë na bën dëm?
Çfarë mund të thuash pastaj për lirinë e fjalës dhe me çfarë tagri merren vendime sikur je Zoti?
Zoti të paktën është i padukshëm; ndersa qeveria jonë është e padukshme vetëm kur bëhet fjalë për përgjegjësitë.
Në finale TikTok do të bëhet mirë popullor. A ka gjë më joshëse se diçka që ndalohet.
