Ish deputeti dhe ish ministri Genc Pollo ka reaguar me një shënim në faqen e tij në facebook mbi negociatat e BE me Shqipërinë.
Gjatë reagimit në rrjetet sociale, Pollo shkruan se me rëndësi mbetet grup-kapitulli që trajton shtetin ligjor.
“BE çeli sot negociatat me Shqipërinë mbi kapitujt: politika e jashtëme, e sigurisë dhe e mbrojtes. Shqipëria ka qenë pothuaj 100% e linjëzuar me këto politika të BE që nga viti 1992, kur fitorja e PD shënoi fundin e regjimit komunist.
Ky qendrim u bë konsensual në gjysmën e dytë të v90 kur PS braktisi bagazhin anti-europian (dhe anti-amerikan) të bartur nga Partia e Punës.
Për këto arsye kapitujt e çelur sot janë më të kollajshëm për Shqipërinë. Megjithatë lajmi i sotëm është pozitiv edhe pse jo shumë esencial. Me shumë rëndësi mbetet grup-kapitulli “Themeloret” që trajton shtetin ligjor, demokracinë etj.
Negociatat mbi të u çelën para dy muajsh. Për këto çështje, që fatkesisht janë shumë problematike, flasim përditë dhe sot nuk kemi cfarë të shtojmë. Ato janë esenciale!”, shkruan Genc Pollo teksa publikon fotot më poshtë:
