Policia holandeze ka ekuestruar një sasi kokainë që kap vlerën prej 13 milionë eurosh të fshehur brenda dy arkivoleve.
Policët zbuluan 250 kilogramë kokainë gjatë një bastisje pranë Numansdorp, në provincën e Holandës Jugore më 13 dhjetor.
Një i dyshuar 30-vjeçar nga Roterdami u arrestua, ndërsa njësia Kombëtare e Ekspertizës dhe Operacioneve e Policisë holandeze tha në një deklaratë se i dyshuari “po ngiste një furgon me targa franceze në autostradën pranë Numansdorp dhe shfaqi sjellje të dyshimta gjatë ngasjes.
Kur ata ndaluan shoferin dhe kërkuan shpjegim, ai pretendoi se po transportonte dy arkivole, të cilat i tha policisë se përmbanin trupa te pajete.
“Megjithatë, dokumentet nuk u kontrolluan”, shtuan policët.
“Kolegët tanë më pas shkuan në një kompani që kryen shërbime funerale për të verifikuar. Aty u zbulua se arkivolet përmbanin çanta sportive me më shumë se 250 kilogramë kokainë, me një vlerë rruge prej 13 milionë euro. Burri është arrestuar dhe droga është asgjësuar”, konfirmoi policia holandeze.
