Një ngjarje e rëndë është shënuar në Shtetet e Bashkuara të Amerikës ku një i mitur ka sulmuar me armë një shkollë të krishterë. Ngjarja është regjistruar në Shkollën Krishtere Abundant Life në qytetin Madison, Wisconsin.
Sipas burimeve paraprake, tre persona kanë mbetur të vdekur dhe gjashtë të tjerë janë plagosur. Autori i dyshuar është një i mitur i cili mendohet të jetë nxënës shkolle dhe nga burimet policore konfirmohet i vdekur.
Fillimisht u raportua për pesë viktima, por më pas numri u ndryshua në tre. Banorëve u është kërkuar të shmangin zonën, ndërkohë rrugët afër shkollës janë mbyllur.
