Kreu i grupit parlamentar të Partisë Demokratike, Gazment Bardhi denoncoi një tjetër abuzim me paratë e qytetarëve në fushën e energjisë elektrike.
Rasti ka të bëjë me projekte digash për HEC-e kur ndërtohen nga shteti (KESH) dhe nga privati, duke vendosur krahasimet mes tyre në vlerë financiare.
Sipas Bardhit, ky abuzim që mban firmën e Belinda Ballukut ka të bëjë me Digën e Zadejës, diferenca është 4,5 milionë euro që sipas tij janë para që u vidhen qytetarëve shqiptarë.
“Shqipëria ka çmimin më të lartë të energjisë elektrike në Rajon, sepse paratë e qytetarëve abuzohen/vidhen në mënyrën më skandaloze të mundshme. Vetëm me firmën e Belinda Ballukut mund të ndodhë që një projekt, i cili, kur ndërtohet nga shteti, nga KESH-i, kushton 8 milionë euro dhe kur ndërtohet nga private kushton 3 milionë euro! Çfarë duhet të ndodh më shumë që të mbahet përgjegjësi përpara ligjit për një abuzim?!”, shkruan Bardhi teksa publikon fotografine me poshte:
