Një burrë ka humbur jetë tragjikisht këtë të martë në Mirditë, ku është dërguar nga të afërmit e tij pa shenja jete në spital. Viktima është shtetasi Frrok Prenga, 51 vjeç, banues në fshatin Malaj të Mirditës.
Burime zyrtare bëjnë me dije se nga veprimet e para hetimore, dyshohet se viktima kishte shkuar në Spaç, bashkë me kushëririn e tij, shtetasin P. P., për të rregulluar një mjet ekskavator në ofiçinën ku shtetasi P.P është përgjegjës.
Raportohet se gjatë punës, duke ndërruar transmisionin e këtij mjeti, kriku ku mbahej i fiksuar transmisioni është këputur dhe ka goditur Frrok Prengën, duke i shkaktuar vdekjen.
Grupi hetimor ndodhet në vendin e ngjarjes dhe po punon për të sqaruar rrethanat dhe shkaqet që çuan në këtë aksident tragjik.
