Një aksident me vdekje është regjistruar në Dimal.
Dy makina janë përplasur me njëra tjetrën pasditen e djeshme (8 dhjetor 2024) dhe si pasojë ka ndërruar jetë në spital pasagjeri 78-vjeçar.
Ndërkohë është vendosur në pranga shoferi, 33 vjeç, banues në Dimal.
“U arrestua në flagrancë shtetasin A. T., 33 vjeç, banues në Dimal, pasi mbasditen e djeshme duke drejtuar mjetin e tij tip “Hyundaj”, është përplasur me mjetin tip “Seat”, me drejtues shtetasin A. G., 41 vjeç, banues në fshatin Skrevan, Dimal. Si pasojë e përplasjes është dëmtuar dhe ka ndërruar jetë në spital shtetasi S. G., 78 vjeç, banues në fshatin Skrevan, Dimal, i cili ishte pasagjerë në mjetin tip “Seat”, njoftoi policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat.
