Gjatë periudhës janar-tetor të këtij viti, rastet e dhunës në familje janë rritur me 3,29 %, në krahaasim me të njëjtën periudhë të një viti më parë, ndërsa 722 autorë janë arrestuar për këtë vepër.
Ambasada e Shteteve të Bashkuara në Tiranë, ndau statistikat e raportuara nga qendra “Fol”, ndërsa thekson nevojën urgjente për veprim dhe rëndësinë e përpjekjeve të vazhdueshme për të parandaluar dhe trajtuar këtë çështje.
“Të dhënat theksojnë nevojën urgjente për veprim dhe rëndësinë e përpjekjeve të vazhdueshme për të parandaluar dhe trajtuar këtë çështje. Së bashku, ne mund të punojmë në formësimin e politikave dhe veprimeve efektive për të mbështetur të mbijetuarat dhe për të parandaluar dhunën në të ardhmen”, thuhet në postimin e ambasadës në rrjetet sociale.
