Kuvendi i Shqipërisë ka rikthyer kreun e PD-së, Sali Berisha në Grupin Parlamentar të Partisë Demokratike.
Berisha u përjashtua në 9 shtator të vitit 2021 nga Lulzim Basha (atëherë kryetar i PD) nga Grupi Parlamentar dhe Kuvendi nuk pranoi një sërë kërkesash të PD-së që Berisha të ishte pjesë e këtij grupi.
Pas bashkimit të dy grupimeve, në Prill të këtij viti, kreu i grupit Gazment Bardhi iu drejtua me një kërkesë ish-kryetares së Kuvendit, Lindita Nikolla për rikthim në grup të të përjashtuarve, por u rikthyen vetëm të përjashtuarit e kësaj legjislature
Pas marrjes se vulës së PD dhe njohjes nga gjykata të Berishës si kryetar leigjitim, tashmë edhe Kuvendi ka pranuar që lideri demokrat të jetë edhe pjesë e grupit formalisht.
Te linku është fotografia e Berishës në faqen zyrtare të Kuvendit, ku gjendet krah deputetëve të tjerë të PD-së.
Kjo mund të konsiderohet një tjetër “fitore” e Berishës, teksa ditën e sotme u rikthye dhe në Kuvend pas rreth 11 muajsh mungesë, pasi Gjykata e Posaçme i hoqi masën e “arrestit në shtëpi”.
