Një sasi lëndësh narkotike është kapur nga Policia e Tiranës dhe si rezultat janë arrestuar dy të rinj.
Në kuadër të operacionit policor të koduar “Zalli” janë vënë në pranga shtetasit M. B., 30 vjeç, dhe S. R., 23 vjeç, të dy banues në Tiranë. Ata janë kapur në Babrru me rreth 3 kg e 100 gramë kanabis në automjet.
“Shërbimet e Policisë kanë lokalizuar në Babrru, dy shtetasit e lartpërmendur dhe gjatë kontrollit të automjetit të shtetasit M. B., gjetën lëndën e dyshuar narkotike e cila u sekuestrua në cilësinë e provës materiale.” – thuhet në njoftimin e bluve të kryeqytetit.
Materialet proceduriale i kaluan Prokurorisë së Tiranës për veprime të mëtejshme.
