Ka ndërruar jetë 14-vjeçari i cili u qëllua me thikë në bark nga një nxënës tjetër i shkollës ‘Fan Noli’ në Tiranë.
Pasi i mituri u qëllua me thikë, u transportua në spital, por nuk ka mundur që t’i mbijetojë plagëve të marra nga mjeti prehës.
U mësua se sherri ndodhi jashtë ambienteve të shkollës ‘Fan Noli’, ndërsa edhe një bashkëmoshatar tjetër që u përfshi në përleshje ka marrë plagë dhe ndodhet në spital.
Njoftimi i policisë:
Tiranë/Informacion paraprak
Më datë 18.11.2024, rreth orës 13:10, në rrugën “Qema Stafa”, rreth 200-300 metra larg shkollës “Fan Noli” janë konfliktuar 3 shtetas të moshës 14 vjeç.
Si pasojë e dëmtimeve të marra gjatë konfliktit, ka ndërruar jetë njëri prej tyre ndërsa tjetri ndodhet në spital, në kujdesin e mjekëve.
Është shoqëruar njëri nga autorët e dyshuar, ndërsa grupi hetimor po vijon punën për sqarimin e rrethanave të konfliktit
Lexo edhe:
Sherr me thika mes dy nxënësve të shkollës ‘Fan Noli’ në Tiranë, plagoset njëri prej tyre
