Një aksident i rëndë automobilistik është regjistruar rreth orës 05:30 të mëngjesit të kësaj të enjteje, në aksin rrugor “Tepelenë-Fier”.
Autoritet policore raportojnë se shtetasi S. A., duke drejtuar automjetin tip autobot, ka përplasur automjetin tip “Ford”, me drejtues shtetasin Vangjel Ajdini.
Si pasojë e aksidentit kanë humbur jetën në vendin e ngjarjes shoferi i “Ford-it”, Vangjel Ajdini, si dhe bashkëshortja e tij, Marga Ajdini, e cila ndodhej pasagjere në automjet.
Gjithashtu, ka mbetur i plagosur dhe shoferi i autobotit shtetasi S. A., si dhe pasagjerja në mjetin e tij, shtetasja A. A., të cilët janë dërguar në spital për ndihmë mjeksore dhe mësohet se ndodhen jashtë rrezikut për jetën.
Ende nuk dihen detajet se si ka ndodhur aksidenti. Grupi hetimor po punon për sqarimin e plotë të rrethanave të aksidentit.
