Janë publikuar pamjet e aksident tragjik të regjistruar në orët e para të së hënë në Athinë të Greqisë, që i mori jetën një 18-vjeçari shqiptar.
Ngjarja ndodhi në kryqëzimin e rrugëve “Kipseli” dhe “Zakyntho”. Adoleshenti shqiptar ishte duke drejtuar një motor në momentin kur u përplas me një motor tjetër që drejtohej nga një 16-vjeçar, i cili mbeti i plagosur lehtë.
Në videon e filmuar nga kamerat e sigurisë në zonë nuk është kapur momenti i përplasjes së dy motorëve, por momenti kur shqiptari ikën zvarrë në rrugë bashkë me motor, teksa nga pas le edhe shenjat e gjakut. Të dy drejtuesit e motorave rezultuan se nuk kishin kaskë mbrojtëse.
Policia greke ndërkohë po heton për zbardhjen e plotë të rrethanave të aksidentit tragjik.
