“Unë nuk mendoj se Hansi Flick filloi një epokë të re te Barcelona. Ishte Xavi, ai që e bëri këtë”. Fjalët janë të Thierry Henry, ish-sulmues i shquar, ndër të tjera i Barcelonës.
Duke folur në studiot e “CBS Sports”, pas fitores së Barcelonës në fushën e Crvena Zvezda, kampioni francez i komentoi kështu rezultatet e shkëlqyera të arritura nga Blaugranët në fillim të sezonit, si në kampionat, ashtu edhe në Champions League:
“Sot Flick është duke vazhduar atë që bëri Xavi. Unë besoj se kjo skuadër, falë dy viteve që kaluam së bashku dhe sezonit të vështirë të kaluar, duhet të konsiderohet si një nga favoritet për ta fituar Ligën e Kampionëve.
A do ta fitojë atë? Ndonjëherë është e nevojshme të humbasësh një gjysmëfinale, një çerekfinale, për të kuptuar sa e vështirë është. Mendoj se Barcelona është e pajisur për t’i shkuar deri në fund, po”.
