Kryeministri Edi Rama do të mbajë këtë të diel, në orën 11:00 një miting me shqiptarët e Selanikut në Greqi, por duket se do të përsëritet i njëjti film dhe e njëjta histori si mitingu i mbajtur në Athinë më 12 Maj.
Kreu i qeverisë pretendon se e mbush sallën me shqiptarët e diasporës, por në fakt, pjesa më e madhe e tyre janë punonjës të administratës publike.
Kjo gjë vërtetohet edhe nga fotoja e mëposhtme, ku shfaqet Drejtori i Ndërmarrjes së Shërbimeve Publike në Bashkinë e Korçës, Ilir Dinellari, së bashku me një pjesë të stafit të Bashkisë, të cilët kanë shkuar në Selanik për të marrë pjesë në mitingun e Ramës.
Ilir Dinellari konsiderohet si një prej drejtorëve më abuzivë në Bashkinë e Korçës, i denoncuar edhe nga Kontrolli i Lartë i Shtetit për “SHKELJE TË RËNDËSISË SË LARTË”, por edhe pse prej vitesh në poste të larta, ai nuk është hetuar nga drejtësia, pasi siç duket, e bën më së miri rolin e patronazhistit për Edi Ramën, madje vesh edhe “maskën” e emigrantit kur i duhet kreut të Qeverisë.
