Dalin detaje të reja mbi ngjarjen e rëndë të ndodhur pasditen e sotme në Shkodër, ku e ekzekutua Hamza Lici kurse Arlind Bushati ndërroi jetë disa orë më vonë në spitalin rajonal të Shkodrës.
Ndaj tyre është qëlluar me breshëri armësh kallashnikov, ndërsa dyshohet se janë dy autorë që kanë marrë pjesë në këtë atentat.
Gazetarja Klodiana Lala tha se automjeti i djegur është gjetur në Grudë e Re, në drejtim të Malësisë së Madhe. Ajo tha se nuk ka asnjë të dyshuar lidhur me ngjarjen, por pista kryesore ku po hetohet është ajo e përplasjeve mes grupimit Lici dhe atij Bajri.
Gjithashtu policia ka kryer kontrolle dhe janë shoqëruar disa persona, por ende nuk ka persona të dyshuar për ngjarjen.
