Policia e Tiranës ka arrestuar një të ri, i cili akuzohet për shpërndarje të lëndëve narkotike në zonën e Astirit në kryeqytet.
Në kuadër të operacionit policor të koduar “Transportuesi” është vënë në pranga shtetasi Arbi Ujkaj, 22 vjeç, banues në Tiranë, mbi të cilin rëndon akuza për veprën penale “Prodhimi dhe shitja e narkotikëve”.
“Shërbimet e Policisë kanë lokalizuar 22-vjeçarin, duke lëvizur në Unazë të Re. Gjatë kontrollit fizik të tij shërbimet e Policisë i gjetën dhe sekuestruan, në cilësinë e provës materiale, sasi lënde narkotike kokainë me peshë 300 gram.” – raportojnë blutë e kryeqytetit.
Materialet proceduriale i kaluan Prokurorisë së Tiranës për veprime të mëtejshme.
