Ambientalisti Sazan Guri ka bërë thirrje që të kryhen analiza për mbetjet toksike që do të ankorohen në Portin e Durrësit këtë të dielë.
Sipas Gurit, analiza do të tregonte se ku mund të groposeshim mbetjet, apo nëse duhen pranuar apo jo. Por ambientalisti ngre dyshime, nëse ato janë mbetje, pasi mund të jenë edhe mbetje radioactive shumë të rrezikshme.
Nuk ju falet që të rrini në kafë në këtë ditë, para se të jeni zë politik, jeni zëri i një prindi që keni për detyrë ndaj kësaj mbetje plehrë që s;u pranua nga vendet e tjera e bëhet Shqipëria kosh i tyre. Edhe djalli ta organizonte do të vija, se jam i bindur çfarë i ndodh vendit me këtë gjëmë të madhe, kur organizatat e tjera i konsideruan mbetje shumë të rrezikshme. Ky komb s’e meriton, nëse ka njerëz plehra t’i mbajë në shtëpitë e tyre.
Ne qytetarët e vendit, ekspertë dua t’u bëj thirrje të tjerëve, ku janë? Mos janë shitur e pajtuar Kërkojmë që këto plehra para shkarkimit të bëhet analiza e tyre, të dimë ku t’i varrosim. Mirëpresim laborator ndërkombëtar për analizat e mbetjeve, që të dimë t’i pranojmë ose jo. S’duhet t’i pranojmë, kur nuk e dinë se çfarë janë. Dyshimi është se janë lëndë radioaktive, apo shumë e rrezikshme. S’kemi asnjë landfill që të presin mbetje familjare, e jo mbetje të tilla.
