Në pamjet që shihni në fotot e mëposhtme është magazina ku u zbulua një sasi e konsiderueshme lënde narkotike në fshatin Voskop të Korçës.
Dyshohet se ky është një vend dytësore, pasi droga sillej nga një tjetër vend dhe më pas thahej dhe përpunohej në këtë magazinë.
Nga informacionet paraprake mësohet se aty ishin të punësuara disa gra, që merreshin me drogë, të cilat nuk janë nga Qarku i Korçës. Në kuadër të këtij operacioni janë disa të arrestuar, mes të cilave edhe disa gra.
Droga e cila është në sasi të konsiderueshme është ende duke u peshuar. Ndërkohë që policia po sekuestron të gjitha provat, lëndën narkotike dhe pajisjet.
Burime bëjnë me dije se në magazinë janë gjetur edhe armë zjarri. Ende nuk ka një komunikatë zyrtare nga ana e Policisë së Korçës.
