Rreth 5 orë ka zgjatuar seanca e sotme gjyqësore, me një ndërprerje, për ish-presidentin e Republikës, Ilir Meta, ku është shoqëruar me tone të ashpra dhe akuza, teksa në fund GJKK vendosi të lërë në fuqi masën e sigurisë “Arrest me burg” për ish-kreun e shtetit.
Pas seancës së sotme, nën shoqërimin e forcave të Policisë, Ilir Meta është kthyer edhe njëherë në bllokun e sigurisë për të kryer procedurat, ku ka qëndruar këto dy ditë.
Më pas ai është dërguar në paraburgimin “313” në rrugën “Mine Peza” në kryeqytet, ku pritet të qëndrojë gjatë kohës së paraburgimit, teksa avokati i tij paralajmëroi ankimim në Apel ndaj vendimit të sotëm të GJKKO-së.
Ilir Meta u arrestua dy ditë më parë me urdhër të SPAK për korrupsion dhe fshehje pasurie në lidhje me çështjen e CEZ-DIA dhe lobimin në SHBA.
