Për ekspertin dhe ish-drejtuesin e lartë të Policisë së Shtetit, Arben Hajdarmataj arrestimi i një dite më parë i njeriut që ka mbajtur postet më të larta të shtetit shqiptar, Ilir Meta nga ana e Policisë ishte një spektakël i shëmtuar.
“Unë mendoj se z. Hoxha është në të drejtën e tij si ministër që të japë shpjegime për shkak të reagimeve të opinionit publik ndaj atij spektakli të shëmtuar të Policisë së Shtetit.
Them të shëmtuar, sepse edhe për mua si ish-punonjës policie veprimi i tyre ishte i shëmtuar, pasi protokollet që mundohen të paraqiten se Meta është si gjithë qytetarët e tjerë.
Po dakord, por arrestime të tilla bëhen ndaj personave me rrezkshmëri të lartë shoqërore, ose kur ka tendenca për të përdorur armën apo dhunën ndaj policisë së shtetit.
Dhe neve na pëlqen ose jo, nuk mund ta zhveshim të kaluarën e z. Meta si ish-drejtues i lartë i shtetit shqiptar.
Dhe ju mos mendoni se punonjësit e policisë janë ëngjëj, pasi ajo duket në rastet hetimore dhe sjelljen ndaj të tjerave. Pra ka shumë mesazhe me mënyrën se si është arrestuar Ilir Meta”, u shpreh ndër të tjera, eksperti Arben Hajdarmataj.
