Arrestimi i dhunshëm i Ilir Metës ditën e sotme, ngriti shumë pikëpyetje për mënyrën brutale që u zgjodh nga policia për të ndaluar një ish president.
Gazetarë dhe analistë në emisionin “Të Paekspozuarit” kanë komentuar arrestimin, ku e kanë konsideruar si të qëllimshëm atë formë dhe për të frikësuar kundërshtarët politikë me shtet policor.
Klodiana Lala: Arrestimin e ka kryer Forca e Posacme operacionale pranë Policisë së Shtetit. Nga informacionet që ka patur, ka kontradiktë në deklaratën e policisë, Meta ëhtë arrestuar në 13:04. Agjentët e BKH kanë marrë pjesë ne kontrolle por jo në arrestim. Mund të kurseheshin pamje të tilla, mund të shmangen. Policia pretendon se Meta ka fyer dhe ofenduar punonjësit, ndërsa Meta ka ngritur pretendime se ata kanë kryer akte të dhunshme. Megjitahtë drejtuesit e policisë së shtetit thonë se kanë zbatuar procedurat standarte.Kjo shfaqje e panevojshme po tërheq shumë më tepër vëmendjen se dyshimet për veprat penale.
Neritan Sejamini: Mendoj se është zgjedhur qëllimisht ai vend i populluar që të filmohet dhe të mbetet filmimi. Është vend i papërshtatshëm, në vendin ku ka më shumë trafik ta arrestosh… Mendoj se është e qëllimshme që ai arrestim të mbetej në memorien dixhitale. Është për efekt propagande.
Enton Abilekaj: Mendoj se është zgjedhur qëllimisht, është provokuar me makina civile, jo të policisë, është përdorur dhuna për show dhe spektakël, për të treguar shtet policor. Policia e Shtetit hyn në hapësirën e kuvendit dhe godet deputetë. Garda neutralizon deputetët me forcë. Janë raste të paprecedenta, që sot po krijohen për të krijuar idenë e një shteti policer që kundërshtarët politikë të kenë frikë.
