Avokati Altin Goxhaj arrestimin e sotëm të ish-presidentit të Republikës, Ilir Meta e ka paralajmëruar para 5 vitesh, gjatë një interviste televizive më 22 Dhjetor të vitit 2019.
Goxhaj e ka shpërndarë videon në rrjetet e tij sociale dhe deklaronte se Ilir Meta i ka dhënë një goditje vetes, duke menduar se ka bërë pazar me Sorosin dhe nuk do ta godiste atë dhe këtë goditje ai do ta paguante më vonë.
“Takimi që ka bërë me Alex Sorosin është e turpshme, sepse fjalët që ka thënë, që i thotë Sorosit gjallërimi i shoqërisë civile dhe që i qahet për reformën në drejtësi, mënyra si pati jehonë reagimi i Metës ndaj Sorosit tregojnë shumë për fuqinë që pati, gjëra të fuqisë që pati ai qëndrim i tij, i drejtë në atë kohë. Por pikërisht, kur ti bën kompromis, pret Alex Sorosin dhe i thua më gjallëro shoqërinë civile, është një goditje që i ka bërë vetëvetes, është një vetëvrasje për imazhin e tij ndërkombëtar, e ka turpëruar veten, por edhe e ka bjerru gjithë fuqinë. Ai nuk e kupton dot që pazaret që mund të ketë bërë me Alex Sorosin, se ai e kupton fuqinë që ka Alex Sorosin dhe ka bërë një hap prapa, pazaret që mund të ketë bërë me të që nuk i di njeri. Koncepti qëndron kur t’i mban një qëndrim të fortë dhe pastaj t’i e kthen komplet mbrapsht atë që ke thënë, në atë moment t’i je bërë i pabesueshëm ndërkombëtarisht dhe goditjen që ka marrë Ilir Meta do e paguajë më vonë. Kujton se është marrë vesh me Sorosin dhe s’do ta godasin. Alex Sorosi nuk ka nevojë të godasë Ilir Metën, sepse e ka ndërtu gropën, e ka bërë gati varrin, ça janë këto SPAK e të gjitha mekanizmat, praktikisht e ka bërë gropën gati për të gjithë shqiptarët.” – shprehej Goxhaj në atë kohë.
