Deputeti i PS-së në Durrës, Jurgis Çyrbja, dy ditë pasi doli nga zyrat e SPAK-ut, deklaroi se jepte dorëheqje nga mandati për arsye shëndetësore.
Analisti Andi Bushati duke komentuar, dorëheqjen e deputetit socialist, u shpreh se kjo është një skenë e parë disa here me deputetët e shumicës, që japin dorëheqjen nga PS dhe pastaj ndërhyn SPAK, që në këtë rast funksionon si si zv. drejtori e PS-së që merr leje te partia për të marrë të pandehur deputetët.
“Kjo që Klodi kaloi me një fjali, është thelbi i çështjes. Nëse ndodh kjo që thotë Klodi, që këtë e marrin person nën hetim dhe pastaj edhe mund t’ja përshkallëzojnë, kemi një skenë të parë disa herë. Pra japin dorëheqjen nga PS dhe pastaj ndërhyn SPAK. Kjo na tregon që SPAK është zv. drejtori e PS-së që merr leje te partia. Jep partia lejen “këputjani qafën” e nxjerrin me dorëheqje dhe pastaj merret SPAK.
Kjo për mua është e llahtarshme.
Nëse PS është një organizatë që sa më shumë kohë kalon, aq mq shumë kriminalizohet, këtë e dimë. Por mua më shqetëson që është kriminalizuar edhe SPAK dhe vepron si seksion i PS, pra thotë shpëlahuni ju me këtë dhe pastaj do të merermi ne. Kjo është e llahtarshmja, se krim ka në të gjithë botën”.
