Policia e Vlorës ka arrestuar babë e bir, të cilët një natë më parë dhunuan barbarisht punonjësin e policisë bashkiake në qytetin bregdetar, Bruno Jazaj. i cili ishte , jashtë orarit zyrtar të punës.
Bëhet fjalë Kristi dhe Todi Sota, të cilët goditën me grushte punonjësin e policisë bashkiake.
Policia njofton se shkak i rrahjes me grushte të efektivit të policisë bashkiake është bërë një konflikt për motive banale dhe se grupi hetimor po vijon punën për zbardhjen e plotë të rrethanave të ngjarjes.
“Komisariati i Policisë Vlorë ka referuar materialet në Prokurori ku ka nisur procedimi penal për shtetasit T. S., 61 vjeç dhe K. S., 36 vjeç (babë e bir), të dy banues në Bestrovë, pasi dyshohet se ditën e djeshme, në lagjen “11 Janari”, gjatë një konflikti për motive të dobëta, kanë goditur me grushte shtetasin B. J., 37 vjeç, (punonjës i Policisë Bashkiake, jashtë orarit të punës)”, thuhet në njoftimin e policisë.
Efektivi i dhunuar: Mu drejtuan me fjalët ‘o gangster që vendos gjoba’
Ndërsa është zbardhur dëshmia e efektivit e Policisë Bashkiake të Vlorës, Bruno Jazaj mori lëndime serioze dhe u dërgua me urgjencë në spital në pavijonin e kirurgjisë pas dhunës së ushtruar ndaj tij.
Sipas tij, dy personat janë e dhunuan janë baba e bir, Kristi dhe Todi Sota nga fshati Bestrovë.
“Ata u shoqëruan dhe u lënë të lirë . Kjo më ka indinjuar më shumë”, u shpreh efektivi i rrugores.
Bruno Jazaj ka deklaruar se është goditur për shkak të detyrës pasi i kanë përmendur një gjobë makine duke i thënë: “Gangster që vë gjoba”, ndërsa ai thekson se kishte 4 muaj operator dhe jo në terren.
“Sapo mbylla punën dhe shkova për të larë makinën në lavazh. Sa zbrita nga makina shikoj një djalë që e njihja më përpara, më thotë nga larg ‘o gangster që vendos gjoba’. I thashë: ‘Çfarë ke se sa kam mbyllur punën jam i lodhur, isha me uniformë veshur’. Më tha ‘Mos i vendos më gjoba njerëzve’. I drejtova ‘Po bëj punën e shtetit’. Më tha ‘Lëre punën e shtetit, do të bësh çfarë të them unë, se nuk e ke idenë çfarë të bëj’. ‘Çfarë do të bësh ti?”, mu përgjigj: “Do të filloj sharjet nga familja’. Në momentin që i thashë ‘Ato mbaji për vete’ u drejtua për të më qëlluar, normalisht ngrita duart për tu mbrojtur. Shkoi tek makina e tij për të marrë një levë, ndërsa unë u futa në mjetin tim, mora sallën operative në telefon, i njoftova që po më dhunojnë dhe po më bëjnë presion për shkak të detyrës.
Salla mu përgjigj menjëherë dhe nisi patrullën. Në atë moment ai ishte jashtë dhe po në gërvishte makinën me sende të forta, me levë, po tentonte të thyente xhamin. Erdhi një person tjetër pas 3-4 minuta, i cili zuri edhe rrugën e daljes së makinës me mjeti. Ishte babai i tij, djali rreth të 30-tave, babai tek të 5-tat. I njihja, mendova mqs erdhi babai, hapa derën e makinës, siguresën dhe dola për t’i folur. Sa nxora këmbën jashtë i thashë të atit ‘foli djali, se edhe njihemi’. ‘Lëre djalin tim’ dhe më qëlloi direkt kishte një palë çelësa“, tha efektvi pë mediat.
