Tirana dhe Dinamo do të përballen më 19 tetor në kuadër të javës së 9-të të Kategorisë Superiore.
Të dyja ekipet ndodhen në situata të ndryshme për sa i përket formës me “blutë” e Dajës që janë një nga ekipet e momentit në kampionat, ndërsa Tirana renditet në vendet e fundit me 9 pikë në 8 ndeshje të zhvilluara.
Duke parë formën e Tiranës, Dinamo do të tentojë rezultatin e radhës pozitiv por këtë duhet ta bëjë pa shërbimet e një titullari.
Bakary Goudiaby ndaj Laçit u ndëshkua me karton të verdhë dhe në këtë mënyrë ka plotësuar numrin 4 të tyre. Senegalezi do të jetë i skualifikuar dhe Daja do të duhet të gjejë zëvendësuesin e tij në mesin e fushës.
Alternativ është Toli ta nisë nga minuta e parë, por edhe Dita. Ky i fundit rikthehet nga dëmtimi dhe mbetet të shihet deri në fund se si do të jetë gjendja e tij.
