Deputetët e Partisë Demokratike janë përplasur me efektivët e Gardës dhe socialistët, për të mos lejuar deputetët e PS-së dhe ministrat që të futen në Kuvend.
Në videon e mëposhtme është momenti kur demokratët nuk kanë lejuar ministrin e Financave, Petrit Malaj dhe kreun e grupit të PS-së, Niko Peleshi që të futen në Kuvend dhe kjo ka sjellë përplasje.
Disa socialistë si Olta Xhaçka apo Aurora Mara kanë arritur që me ndihmën e Gardës të futen në Kuvend. Demokratët nuk lejojnë kolegët e tyre të futen në Kuvend, pa u futur dhe ata.
Arsyeja pse nuk lejohen demokratët është për shkak të vendimit të marrë nga socialistët për përjashtimin e 24 deputetëve të PD-së, ku Flamur Noka, Gazment Bardhi dhe Bledjon Nallbati do të qëndrojnë për 60 ditë jashtë aktiviteve parlamentare, 20 deputetë të tjerë janë përjashtuart me nga 40 ditë, ndërsa Edi Paloka me 10 ditë, edhe pse ai pretendon se nuk ka qenë fare aty.
Dënime ekstreme nga mazhoranca për tensionet e të hënës, për ta lënë Kuvendin pa opozitë, ashtu siç preferon kryeministri Edi Rama.
