Komisioni hetimor për “Sterilizimin” ka vijuar edhe ditën e sotme seancën dëgjimore me dëshmitarët.
Gjatë seancës dëgjimore ka folur edhe ish-drejtor i Përgjithshëm i Shërbimit Spitalor, Petro Mersini. Ai u shpreh mjaft i indinjuar duke kërkuar që kësaj çështje ti jepet fund sa më parë edhe nëse i burgosin disa vite teksa theksoi se këtë ankesë të tij ia ka transmetuar edhe Spak.
“I thashë SPAK-it, mbylle se na morët shpirtin, ose na fusni brenda ose na nxirrni jashtë, tre vjet, pesë vjet. Këtu është të thuash të keqen e Enverit, një muaj të bënte gjyqin, të fuste brenda, të nxirrte jashtë”, tha ai.
Sa i përket mjeteve kirurgjikale, ai u shpreh se mjetet që përdoreshin më parë ishin të vjetra, ndërsa tani janë futur sete të reja. Mersini më tej theksoi se më parë hapeshin instrumentet nëse ishin parashikuar 4 operacione infermierja i planifikonte sipas operacionit ndërsa mjeku kirurg zgjedh ca seti i duhej.
“Ishin të vjetra kishin 30 vitesh dhe ankoheshin mjekët nuk presin. Mbanin vegla në dollapin kur vinin nga jashtë mjek dhe këta mjekët këtu ja mbanin disa vegla atyre, se ata vinin me veglat e tyre. Erdhën të reja instrumentet kirurgjikal dhe kirurgët na falenderonin, na shpëtuat thonin.Tani janë shtuar. Më parë hapeshin instrumentet nëse ishin parashikuar 4 operacione infermierja i planifikonte sipas operacionit ndërsa mjeku kirurg zgjedh ca seti do”, tha ai.
