Derbi Partizani-Tirana është mbyllur në barazim pa gola.
Një sfidë që prodhoi entuziazëm vetëm në tribuna ku nuk mungoi mbështetja ndaj skuadrave, të cilat nuk iu përgjigjën në të njëjtën mënyrë në fushën e lojës.
Në minutën e 23-të, Zharmuni “flirtoi” me golin, por vetëm kaq, pasi portieri Qirko neutralizoi sferën. Në fundin e pjesës së parë, të kuqtë shfaqen në zonën e kundërshtarit, gjithsesi, Cara nuk bën dot asgjë, duke çuar dëm aksionin.
Bardheblutë futen me shumë dëshirë në pjesën e dytë, provoi Haxhiu duke lëshur kështu sinjale të qarta. Ritmi më pas nuk ishte në lartësinë e duhur, pavarësisht 6 minutave shtesë rezultati mbeti i pandryshuar deri në fund. Partizani renditet në vendin e 3-të me 9 pikë, ndërsa Tirana në vendin e shtatë me 6 pikë.
Partizani vijon te jete i pathyer ne derbi prej tete ndeshjesh, ndersa po per kaq duele Tirana nuk merr dot tri pike kunder “Demave”. Pesë fitore kanë të kuqtë dhe tre barazime mes tyre, me Tiranën që ka gati dy vite pa shijuar suksesin në ndeshjen që vlen më shumë se rezultati.
Tirana regjistron kështu ndeshjen e 6-të radhazi pa fitore në kampionat. Me këtë barazim Partizani shkon në vendin e 3-të me 9 pikë, ndërsa bardheblutë me 6 pikë të grumbulluara në 6 ndeshje, mbeten në vendin e 7-të në tabelën e renditjes.
