Policia e Shkodrës ka arrestuar në flagrancë një 44-vjeçar i cili shiste doza kokaine në lokalin e tij.
Uniformat blu bëjnë me dije se në lokal u sekuestruan doza kokaine që u gjetën në lokal, 1 peshore, 2 celularë dhe një shumë parash që dyshohet se është përfituar nga kjo veprimtari kriminale.
“Sektori për Hetimin e Narkotikëve, në bashkëpunim me shërbimet e Forcës së Posaçme “Shqiponja”, si rezultat i kontrolleve të kryera në kuadër të megaoperacionit “Tempulli”, ka goditur një tjetër rast të prodhimit dhe shitjes së lëndëve narkotike, për të cilin u arrestua në flagrancë shtetasi: B. S., 44 vjeç, banues në Shkodër”, njofton policia.
Materialet procedurale i kaluan Prokurorisë, për veprime të mëtejshme.
