Ish-zëvendëspresidenti amerikan dhe republikani i përjetshëm Dick Cheney deklaroi se vota e tij në zgjedhjet presidenciale të nëntorit do të shkojë për demokraten Kamala Harris.
Cheney, një figurë me ndikim gjatë presidencës së Xhorxh Ë Bush, shkoi më tej, duke thënë se nuk ka pasur kurrë një individ që është një kërcënim më i madh për republikën sesa Donald Trump.
“Trump u përpoq të vidhte zgjedhjet e fundit duke përdorur gënjeshtra dhe dhunë për të mbajtur veten në pushtet pasi votuesit e kishin refuzuar. Atij nuk mund t’i besohet kurrë më pushteti. Kjo është arsyeja pse unë do të jap votën time për zëvendëspresidenten Kamala Harris”, tha Cheney.
Cheney i bashkohet një liste në rritje të republikanëve që kanë shprehur shqetësim për kandidaturën e Donald Trump.
Vajza e tij, Liz Cheney, po ashtu një republikane, i ka dhënë tashmë mbështetjen e saj zëvendëspresidentes Harris.
Ajo shërbeu në komitetin e përzgjedhur të Dhomës së Përfaqësuesve që hetoi trazirat e 6 janarit në Kapitol dhe ishte një nga 10 republikanët që votuan për shkarkimin e ish-presidentit Trump pas incidentit.
