Të mërkurën në mbrëmje, revista tregtare franceze, “France Football”, publikoi 30 emra që hynë në listën e ngushtë për “Topin e Artë”.
Yje të shumtë të Gjermanisë si Toni Kroos, Antonio Rudiger dhe Florian Virc u nominuan për “Topin e Artë”, çmimin për futbollistin botëror të vitit.
Harry Kane i Bayern Munich gjithashtu ka një shans për të fituar “Topin e Artë”.
Megjithatë, një lojtar i bavarezëve çuditërisht mungon, fjala është Jamal Musiala. Anëtari i bordit, Maks Eberl, kritikoi ashpër mospërfshirjen e 21-vjeçarit.
Bayerni përfaqësohet vetëm me Kane dhe nga këndvështrimi i Eberl, edhe Musiala do të kishte merituar një vend në këtë listë.
“Unë do të doja që çdo lojtar të nominohej, por ne në Mynih jemi shumë të befasuar që Musiala nuk u mor parasysh”, tha Eberl kur u pyet nga agjencia gjermane e shtypit.
Ndërkohë që mungon Xhamal, në listë janë gjermani Toni Kros, i cili përfundoi karrierën e tij pas Kampionatit Europian 2024, Antonio Rydiger i Realit të Madridit, Florian Virc i Bajer Leverkusen dhe ish-lojtari i Dortmundit, Mats Humels.
Eberl madje shkoi një hap më tej dhe theksoi se Musiala ishte një nga lojtarët e shquar të Kampionatit Europian: “Ai ishte një nga golashënuesit më efikas dhe u zgjodh në njëmbëdhjetëshen më të mirë të turneut.
Për më tepër, Bajern arriti në gjysmëfinale të Ligës së Kampioneve, falë paraqitjeve të shkëlqyera të tij. Për ne është plotësisht e pakuptueshme që ai të mos jetë një nga 30 lojtarët më të mirë të sezonit të kaluar”, kritikoi Maks Eberl.
“Topi i Artë” do të dorëzohet në Paris, më 28 tetor.
