Një tjetër ngjarje tragjike ka ndodhur në një kantier ndërtimi në Tiranë.
Sipas informacioneve të para të policisë, një punëtor i moshës 66-vjeçare ka gjetur vdekjen e menjëhershme pasi ka rënë nga skela e një objekti në ndërtim e sipër.
“Më datë 06.09.2024, në rrugën “Bardhok Biba”, dyshohet se, aksidentalisht duke punuar, është rrëzuar nga skela e një objekti në ndërtim e sipër, shtetasi V. B., 66 vjeç, i cili si pasojë e dëmtimeve të marra, ka ndërruar jetë në vendngjarje. Grupi hetimor po punon për sqarimin e rrethanave të ngjarjes”, njofton policia.
Së fundmi janë shtuar rastet ku punëtorët e pallateve gjejnë vdekjen pasi rrëzohen për shkak se punojnë në kushte të pasigurta të sigurta. Ky është rasti i përsëritur ku brenda muajve të fundit mbi 7 punëtorë kanë humbur jetën për shkak se punojnë jashtë çdo standardi, ndërsa autoritetet janë inegzistente për shkak se “taksidarët” mbyllin sytë përballë ryshfetit që ofrojnë ndërtuesit e pallateve.
