Zbardhen detaje të reja nga ngjarja e rëndë që tronditi Shenavlashin në Durrës. Djali raportohet se ka vrarë babanë Enver Balla dhe për të fshehur gjurmët e krimit të rëndë në familje, e ka hedhur trupin e tij në pus.
62 vjeçari kishte humbur kontaktet me familjen rreth 22 ditë më parë, pasi më datë 13 gusht ka qenë vetë djali Esmerald Balla që ka shkuar në polici dhe ka bërë kallëzim.
Policia e Durrësit ka arritur që të zbardhë ngjarjen pasi ka patur dyshime që në fillim për krim brenda familjes. Hetuesit kanë përgjuar komunikimet telefonike dhe mesazhet e autorit ku më pas kanë zbardhur ngjarjen e rëndë.
Autori pas arrestimit ka pranuar krimin duke thënë se vrau të atin, pasi ky i fundit i kishte marrë shuma parash. Ndërkohë djali, kishte denoncuar në polici më datë 13 gusht se babai ishte larguar nga banesa.
“Në Komisariatin e Policisë Durrës ka kallëzuar shtetasi Esmerald Balla, banues në fshatin Shënavlash, se më datë 13.08.2024, është larguar nga banesa, babai i tij, shtetasi Enver Balla, 62 vjeç. Vijon puna për gjetjen e 62-vjeçarit”, raportoi më herët këtë të mërkurë Policia e Durrësit.
Nga kërkimet intensive dhe pyetja e familjarëve, agjentët e Sektorit për Krimet e Rënda në Drejtorinë e Policisë Durrës, kanë arritur të gjejnë trupin e pajetë të Enver Ballës, hedhur në pusin e shtëpisë.
Megjithatë, pritet që në orët në vazhdim të ketë një informacion sqarues nga Policia e Durrësit për këtë krim që trondit për herë të dytë në pak muaj fshatin Shënavlash.
Lexo ketu:
Durrës/ Krim i rëndë në familje, djali vret babain me armë zjarri (EMRAT)
