Një ditë pasi mbetën të plagosur rëndë, pas një atentati në zonën e Don Boskon në Tiranë, detaje të reja janë zbuluar nga dëshmia për policinë e Ronaldo Metushi dhe Kastriot Elezit.
U raportua se në dëshminë e tij 22-vjeçari ka treguar se në momentin e të shtënëve ka qenë duke pirë kafe me Kastriot Elezin, pasi ai më parë ai ka punuar si kamarier në lokalin që u krye atentati.
Ndërsa më tej ai ka deklarua se nuk ka mundur të shohë autorët dhe se gjithçka ka ndodhur shumë shpejt.
Të plagosurit kanë dëshmuar para policisë duke thënë se nuk kanë dyshime se pse u qëllua me armë zjarri drejt tyre, ndërsa kanë deklaruar se nuk kanë konflikte.
Dyshohet se autorët e plagosjes janë vrasës me pagesë.
