Dy persona janë proceduar nga policia në Korçë gjatë 24 orëve të fundit.
Policia bën me dije se një 50-vjeçar, ka fyer ish-bashkëshorten e tij dhe ka shkelur urdhrin e mbrojtjes të caktuar në favor të saj.
“Komisariati i Policisë Korçë referoi materialet në Prokurori, ku filloi procedimi në gjendje të lirë për shtetasin L. R., 50 vjeç, banues në Korçë, pasi duke fyer ish-bashkëshorten e tij, ka shkelur urdhrin e mbrojtjes të caktuar në favor të saj”, njofton policia.
Ndërsa një tjetër në Devoll, ka dhunuar kunatën e tij, pas një sherri për motive të dobëta. E dhunuara u pajis me urdhër mbrojtjeje.
“Komisariati i Policisë Devoll referoi materialet në Prokurori, ku filloi procedimi ne gjendje të lirë për shtetasin N. D., 53 vjeç, banues në fshatin Cangonj, Devoll, pasi dyshohet se pas një konflikti për motive pronësie, ka dhunuar kunatën e tij, e cila u pajis me urdhër mbrojtjeje”, thuhet në njoftimin e policisë.
