Drejtuesi politik i PD-së për Tiranën, Belind Këlliçi, përmes një video dhe disa fotove të publikuara në Facebook, tregon situatën e sotshme me plehrat në disa nga rrugët kryesore të kryeqytetit.
Siç shihet edhe nga pamjet, gjendja duket mjaft shqetësuese me plehrat të shpërndara kudo në rrugë.
Këlliçi, i cili ka denoncon prej kohësh situatën alarmante me plehrat, shkruan se banorët e Tiranës janë rrethuar nga katër anët nga plehrat e lëna me kapicë nga kreu i “5D”-së, Erion Veliaj.
Sipas Këlliçit, justifikimet e Veliajt për situatën e plehrave, janë qesharake dhe kriminale.
“Java nis sërish nën rrethim! Banorët e Tiranës janë rrethuar nga të katër anët nga plehrat e lëna kapicë nga kreu i 5D Erion Veliaj. Këtu jemi tek Rruga ‘Jordan Misja’ Njësia nr.9!
I vetmi shpjegim që dha ditën e djeshme pronari faktik i inceneratorit Tiranë ishte se, për situatën katastrofike me plehrat në kryeqytet, fajin e ka opozita! Qesharake dhe kriminale njëkohësisht!”, shkruan drejtuesi politik i PD-së për Tiranën, Belind Këlliçi.
