Teksa vendi ynë është pëfshirë nga moti i keq me rrebeshe dhe erë të fortë, policia i ka bërë apel drejtuesve të automjeteve për kujdes të shtuar.
Në njoftim thuhet se shoferët duhet të aktivizojnë sistemet e shikueshmërisë përpara dhe po ashtu shumë kujdes duhet të kenë drejtuesit e mjeteve me ngarkesa dhe lartësi të konsiderueshme.
Njoftimi:
APEL PËR KUJDES!⚠️
Pjesa më e madhe e vendit është përfshirë nga reshjet e dendura të shiut ️ dhe era e fortë, duke vështirësuar qarkullimin e mjeteve në rrugë.
Me qëllim parandalimin e aksidenteve rrugore ⚠️, Policia e Shtetit, APELON ndaj të gjithë përdoruesve të rrugës ♂️, të tregojnë kujdes të shtuar, në raport me shpejtësinë, sistemet e shikueshmërisë përpara, veçanërisht mjetet me ngarkesa dhe lartësi të konsiderueshme që janë më të rrezikuara për shkak të erës së fortë. Strukturat e Policisë Rrugore janë në terren , për të ndihmuar dhe parandaluar ngjarjet rrugore.
Telefononi 112 për çdo shkelje apo në rast nevoje në rrugë .
