Një aksident automobilistik është regjistruar paraditen e sotme në Shkodër.
Autoritetet policore raportojnë se motori me drejtues shtetasin V. P., 64 vjeç, është përplasur me automjetin me drejtues shtetasin A. E., 43 vjeç.
Ngjarja ka ndodhur rreth orës 10:30, në vendin e quajtur “Harku i Bërdicës”. Si pasojë e aksidentit ka mbetur i plagosur drejtuesi i motorit, i cili është dërguar për mjekim në spitalin e Shkodrës.
Grupi hetimor po punon për sqarimin e rrethanave të aksidentit.
