Vazhdon me intensitet të lartë zjarri në zonën e Pustecit dhe liqenit të Prespës, për shkak të përhapjes së flakëve në shumë drejtime.
Mësohet se sipërfaqja e djegur deri më tani i kalon 150 hektarë bimësi. Vatrat e zjarrit janë përhapur aq shumë sa kanë dalë nga kontrolli dhe rrezikojnë t’i afrohen edhe doganës së Goricës dhe fshatit Goricë e Madhe.
Era po e përhap zjarrin edhe në drejtim të Pogradecit, përgjatë Malit të Thatë.
E vetmja alternativë për të lokalizuar vatrat duket se mbetet ndërhyrja nga ajri, teksa pritet të vendoset në vijim se si do të ndërhyhet në zonë. Me mjete rrethanore është tashmë e pamundur për të vënë nën kontroll flakët dhe për t’i shuar ato.
