Gazetarja Klodiana Lala ka komentuar intervistën e ish-zëvendëskryeministrit Arben Ahmetaj. Sipas gazetares, Ahmetaj është njeriu që sot për sot është i vetmi që mund t’i japë fund karrierës politike jo vetëm të kryeministrit Edi Rama por edhe kryetarit të Bashkisë Tiranë dhe shumë figurave të larta politike në PS.
Lala shprehet se Ahmetaj ka dhënë shumë indicie të cilat kanë nevojë për tu hetuar dhe përkthyer në dosje hetimore.
Ajo shton më tej se Arben Ahmetaj e ka në dorë për ta shkërmoqur brenda nate këtë qeverisje të korruptuar.
“Arben Ahmetaj është njeriu që sot për sot është i vetmi që mund t’i japë fund karrierës politike jo vetëm të kryeministrit Edi Rama por edhe kryetarit të Bashkisë Tiranë dhe shumë figurave të larta politike në PS.
Do kisha dashur si gazetare që Arben Ahmetaj të fliste vetëm një herë dhe të ishte shterues i qartë dhe konkret. Ka dhënë shumë indicie të cilat kanë nevojë për tu hetuar dhe përkthyer në dosje hetimore.
Arben Ahmetaj sot ka edhe gurin edhe arrën dhe duke pasur edhe gurin edhe arrën ka në dorë për ta shkërmoqur brenda nate këtë qeverisje të korruptuar.
Jam krejtësisht e ftohtë nga ajo që përfaqëson Arben Ahemtaj.”- tha gazetarja në Çim Peka Live.
