Prokuroria e Posaçme (SPAK) ka lëshuar 30 urdhër-arreste, teksa po ekzekuton një operacion kryesisht në qytetin e Elbasanit, por edhe në disa qytete të tjera të vendit si në Tiranë dhe Durrës.
Lajmi konfirmohet nga burime për mediat, teksa mësohet se urdhër-arrestet janë lëshuar pas zbërthimit të bisedave në aplikacionin e enkriptuar “Sky Ecc”, një aplikacion që është përdorur nga elementët e krimit të organizuar.
Shumica e urdhër-arresteve janë për personazhe të krimit të orgamnizuar, teksa nuk mungojnë arrestet edhe ndaj zyrtarëve.
Vetëm dy ditë më parë pas çkodimit të bisedave në “Sky Ecc” u vu në pranga kryeprokurori i Vlorës, Aurel Zarka dhe u shpallën në kërkim ish-oficerja e Krimeve të Rënda, Eriona Daupaj, avokati Radovan Çela dhe shtetasi me inicialet A.V.
Në orët në vijim priten me shume detaje për këtë operacion.
