Policia e Durrësit ka arrestuar 31-vjeçarin Adil Hizdri, i cili akuzohet se pasditen e së enjtes plagosi me armë zjarri 70-vjeçarin, Fadil Hunda.
Krimi ndodhi rreth orës 19:30 në ambientet e një lokali në lagjen nr.17 të qytetit bregdetar. Sipas autoriteteve policore, shkaku i krimit dyshohet se ka qenë një borxh i pashlyer prej 70-vjeçarit.
I riu nga Shijaku akuzohet për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, i armëve shpërthyese dhe municionit”.
Fadil Hunda vijon të jetë ende në spital nën kujdesin e mjekëve, teksa është sekuestruar në cilësinë e provës materiale arma e zjarrit pistoletë e dyshuar e përdorur për plagosjen e tij.
Materialet procedurale i kaluan Prokurorisë, për veprime të mëtejshme.
