Artan Hajrizi, vëllai i Faton Hajrizi është thirrur nga një stacion policor në Gjermani për të treguar të vërtetën lidhur me pretendimet e Serbisë se ai është i dyshuar për vrasjen e një polici serb dhe plagosjen e një polici serb.
Autoritete serbe kanë ngritur akuza ndaj tij për vrasjen e një polici serb mbrëmë pas mesnate. Por, përmes një lidhje direkte, Hajrizi ka rrëfyer se nuk ka qenë fare në Serbi, por ndodhet në Gjermani.
Ndërsa kë version mbështet edhe babai i tij.
“Fatoni ia vodhi pasaportën vëllait”ka deklaruar babai i Artan Hajrizit.
Mustafa Hajrizit dekakoi se djali i tij, Artan Hajrizi nuk ndodhet në Kosovë, por në Gjermani.
Ai tha se Fatoni, i cili është arratisur 10 ditë më parë nga burgu ku vuante dënimin për vrasjen e një ushtari rus në Kosovë, i ka marrë pasaportën Artanit. Dokumenti i identifikimit të 33-vjeçarit u gjet në vendin ku u vra polici serb, Nikolla Krsmanoviç,dhe u plagos Vjekoslav I..
“Fatoni i ka bërë ato punë, ka shkuar në Gjermani te vëllai dhe i ka vjedhur pasaportën”, ka thënë babai, sipas Novosti.rs.
Më tej ai ka deklaruar: “Artani ka tetë vjet që punon në Gjermani”.
Pyetjes nëse e dinte se me kë ishte Faton Hajrizi në makinë, iu përgjigj: “Jo, jo, nuk e di”.
Ministria e Punëve të Brendshme e Serbisë ka bërë të ditur se në vendngjarje është gjetur një pasaportë e lëshuar nga autoritetet e Kosovës në emër të Artan Hajrizit.
