Një aksident ka ndodhur gjatë mëngjesit të sotëm në aksin rrugor “Korçë-Pogradec”, ku një 69-vjeçar, ka humbur kontrollin e motorit dhe ka dalë nga rruga.
Si pasojë e aksidentit, 69-vjeçari ka pësuar dëmtime dhe është dërguar në spital, për mjekim, dhe është jashtë rrezikut për jetën.
Ndërsa policia thekson se po punon për sqarimin e rrethanave të aksidentit.
“Pogradec/Informacion paraprak
Mëngjesin e sotëm, në aksin rrugor “Korçë-Pogradec”, në Qafë Plloçë, shtetasi K. F., 69 vjeç, duke drejtuar motomjetin, dyshohet se ka humbur kontrollin mbi drejtimin e tij dhe si pasojë motomjeti ka dalë nga rruga. Shtetasi K. F. është dërguar në spital, për mjekim, dhe është jashtë rrezikut për jetën.
Grupi hetimor po punon për sqarimin e rrethanave të aksidentit”, thuhet në njoftimin e policisë.
