Deputeti i PD, Luan Baçi foli mbi protestën e organizuar nga opozita e bashkuar kundër qeverisë.
Baçi është shprehur se kjo ishte një protestë madhështore nisur dhe nga kushtet e vështira atmosferike që ishin mbrëmjen e kaluar dhe se dy janë kërkesat kryesore që nuk negociohen deri tani, e para është lirimi i liderit të opozitës nga arresti politik dhe krijimi një qeverie teknike për të siguruar zgjedhje të lira dhe të ndershme.
“Ishte një nga protestat më të mira që ka pasur ndonjëherë PD, ishte një protestë e shumëpritur nga demokratët për arsye se ishte protesta e pare pas asaj që ishte legalizimi i PD-s. Në këtë këndvështrim u mblodhëm për herë të parë pas tre vitesh që nga kuvendi historik i rithemelimit pasi ngritit PD nga shkatërrimi që i shkaktuan dhe e bënë këtë parti të aftë të përballet me një mazhorancë kaq të korruptuar.
Ishte një protestë vërtetë madhështore e fuqishme dhe parë në nurma ishte mbushur sheshi plot dhe i kaloi pritshmëritë pasi kushtet atmosferike ishin jo të duhur dhe temperaturat shumë të larta, njerëzit në pushime por kjo tregoi se pavarësisht kushteve PD është e organizuar.
Janë 1001 kërkesat për të thirrur një protestë mbarë kombëtare por kryesorja është krijimi i një qeverie teknike dhe lirimi i liderit të opozitës Sali Berisha nga arresti politik që i ka bërë mazhoranca e Edi Ramës. Ky kryeministër ka dhënë prova të forta se është një hajdut i parave të shqiptarëve të ardhmes së shqiptarëve dhe votave të shqiptarëve“, tha Baçi për Syri tv.
