Një aksident i rëndë automobilistik është regjistruar mesditën e kësaj të mërkure në ishullin grek të Rodosit, ku për pasojë kanë humbur jetën dy persona.
Ngjarja ka ndodhur rreth orës 12:30, në kilometrin e 4-të të rrugës nacionale Anatolikes Aktes – Aeroport.
Mediat greke raportojnë se një furgon i drejtuar nga një shtetas shqiptar, me dy britanikë në bord, në rrethana të paqarta ka devijuar nga korsia drejt Falirakut dhe është përplasur “kokë më kokë” me një makinë që drejtohej nga një 57-vjeçar grek.
Nga përplasja e dy automjeteve, greku dhe një prej britanikëve humbën jetën, ndërsa shqiptari dhe një britanik u plagosën dhe u dërguan në Spitalin e Përgjithshëm të Rodos për të marrë ndihmë mjekësore dhe ndodhen në gjendje të rëndë.
Nëntë zjarrfikës me katër automjete kanë tentuar të nxjerrin personat në automjetet e përplasura.
