Franca është gjysmëfinalistja e dytë e Europianit teksa ka mposhtur Portugalinë pas goditjeve të 11-metërshave.
Koha e rregullt u mbyll në barazim pa gola, teksa edhe në kohët shtesë skuadrat nuk arritën të dërgonin topin në rrjetë duke disktuar gjithçka mbi kualifikimin në goditjen e 11-metërshave.
Në 45 minutat e para të dyja skuadrat ishin shumë të kujdesshme dhe rastet për shënim ishin thuajse zero për të dyja ekipet të cilat shkuan në dhomat e zhveshjes me rezultatim e barabartë 0-0.
Pjesa e dytë nisi me ritëm më të lartë por pavarësisht volumit të lojës dhe rasteve të të dyja ekipeve sërish portat mbetën të paprekura duke çuar edhe këtë takim çerekfinal në 30 minuta shtesë, që do të ishte një tjetër mundësi për të evituar penalltitë.
Pavarësisht kohës së shtuar nuk ishte e thënë edhe 120 minutat përfunduan në barazim për t’i lënë gjithçka në dorë ruletës së penalltive. Dhe në këtë fraksion të lojës i vetmi që humbet ishte Joa Felix nga lojtarët portugez i cili goditi shtyllën pingule.
Franca kalon kështu Portugalinë në çerekfinalet e Euro 2024 dhe gjen në gjysmëfinale Spanjën, duel që do zhvillohet të martë në orën 21:00 në Munich.
