Një aksident me vdekje është regjistruar pas mesnatës së kaluar, rreth orës 01:20, në autostradën Tiranë-Durrës.
Autoritetet policore raportojnë se shtetasi R. T., 35 vjeç, duke drejtuar motorin, dyshohet se ka humbur kontrollin mbi drejtimin e tij dhe motori ka dalë nga rruga. Si pasojë e aksidentit ka humbur jetën në vendin e ngjarjes 35-vjeçari.
Grupi hetimor po punon për sqarimin e rrethanave të aksidentit.
