Me mbylljen e fazës së 1/16-ave Evropiani ka hyrë në fazën më të nxehtë dhe më emocionuese të mundshme, teksa 4 përballjet çerekfinale janë spektakolare.
Pas dy ditëve pushim, Euro 2024, do rikthehet të premten me dy përballje që lehtësisht mund të thuhet se janë finale të parakohshme.
Në orën 18:00 Sttutgart Gjermania organizatore do përballet me Spanjën, dy përfaqësuese të cilat kanë qenë më bindëse deri më tani.
Referuar koefiecentëve ‘La Roha’ është disi më e avantazhuar, por Gjermania në krahun tjetër është përfaqësuesja më e rrezikshme në këto momente. Si Spanja ashtu edhe ‘panzerat’ janë kombëtaren me më shumë Evropianë të fituar. 3.
Pak orë më vonë, ezaktësisht në orën 21:00 po të datës 5 korrik, në Hamburg do luhet super përballja tjetër mes Portugalisë dhe Francës. ‘Gjelat’ janë ndërsa favoritët kryesorë për të fituar Evropianin, por Portugalia është në gjëndje t’i surprizojë.
Kush kalon në gjysmëfinale do përballet me 9 korrik me fituesin e çiftit Spanjë-Gjermani.
Në krahun tjetër të tabelës sfidat çerekfinale janë Angli-Zvicër që luhet në orën 18:00 dhe Holandë-Turqi. Sa u takon ‘tre luanëve’, të cilët nuk kanë bindur në asnjë ndeshje në këtë Evropian, janë sërish favoritë ndaj Zvicrës që në 1/16 mposhti Italinë.
Edhe Holanda shihet si favorite kundër Turqisë, por nuk duhet harruar eliminimi që përfaqësuesja e drejtuar nga Montella i bëri Austrisë. Në gjysmëfinale fituesi i çiftit Holandë-Turqi do përballet me 10 korrik me fituesin e çiftit Angli-Zvicër.
